Poetry/ Բանաստեղծություն

 ***

Շատ արագ անցա այս կարճ ճանապարհը…

Ինձ թվացել էր, թէ սա դեռ սկիզբն է բուն արահետի,

որի երկարության պատկերից էր կառչել երևակայությունս...

...Եվ քանի որ իրականում շարունկություն չկար,

ես՝ ինչպես բոլոր պոետներին է հաջողվում անել,

խափվածությունս ցույց չտալու համար

աջ-ձախ նայեցի,

ու քանի դեռ մարդ չկար իմ կողքին,

արագ վազեցի դեպի սկիզբը,

քայլելու համար նույն ճանապարհով,

որն արդեն թվաց՝ թե երկարել է:

Նոյեմբեր 12, 2011