Poetry/ Բանաստեղծություն
«Ավելին, քան այսքանը » գրքից
Փակ տուփ է
Դատարկություն է:
Փակ տուփ է
և տուփի մեջ ընդամենը ...ես:
Ինչ - որ բան գտնելու ակնկալիքով
կրծոտում եմ տուփի պատերն ու...
հայտնվում եմ մի ավելի՛ մեծ, երկրո՛րդ տուփի մեջ:
Շարունակում եմ նույն գործողությունն անել,
նո՛ւյն ակնկալիքով,
չհասկանալով, որ այդպիսով
մեծացնում եմ դատարկության սահմանները միայն...
Իսկ հասկանո՞ւմ եմ արդյոք,
որ դատարկությունն արդեն լցված էր...
ինձնո՛վ:
2006 թ.
Comments