Poetry/ Բանաստեղծություն
«ՔԱՄԻՆԵՐԻՑ ԱՅՆԿՈՂՄ» ԳՐՔԻՑ
ԹԻԹԵՌԸ
Իմ պատուհանի ճոճվող արանքից
սենյակս մտավ մի հոգնած թիթեռ...
Նա իր թռիչքով անհանդարտ ու խենթ,
ինձ զգալ տվեց, որ գիշեր է դեռ,
բայց որ սենյակում, իմ մո՜ւթ սենյակում
դեռ լույս է վառվում...
Նրա թղթաձայն թռիչքից հոգնած՝
վեր թռա տեղից ես անասնացած
և իմ ափերի թափով ահագին
Վերջ տվի նրա վերջի՛ն թռիչքին...
...Ես այդ օրվանից՝ երազ չեմ տեսնում:
1999 թ.
Comments