Poetry/ Բանաստեղծություն
«ՔԱՄԻՆԵՐԻՑ ԱՅՆԿՈՂՄ» ԳՐՔԻՑ
ՄԵՆԱՐԱՆ
Դարձյալ մնացի իմ մենարանում...
մեղքիս ու խղճիս միջև գտնվող այն մենարանում,
որտեղ եղել եմ նույնքան ժամանակ,
ինչքան դո՛ւ, Աստվա՛ծ...
...Բայց ինձ՝ պատժում ես:
1998 թ.
Poetry/ Բանաստեղծություն
«Ավելին, քան այսքանը» գրքից Այս կլոր, անանկյուն, անծայր աշխարհում Քառակուսի հողում՝ քառակուսի հունդ էր... Քառակուսի ծառին՝ քառակուսի խնձոր... Քառակուսի կորիզ, քառակուսի հյութ էր, քառակուսի դրախտ, քառակուսի օձ... Դրախտում ընդամենը չորս անկյուն էր: Մեկն Աստծունն էր... ...Մնացած երեք անկյունների համար մինչ օրս մրցակցում, կռիվ ենք տալիս, մեզ բաժին ընկած անանկյո՛ւն, կլո՛ր, անծա՛յր աշխարհում: 2006 թ.
Comments